Doğum günün mübarək

Illər öncə bugündə , firlandı çərxi fələk

Göndərdi Tanrı yerə , bir nazlı duzlu mələk

Günəş üzlü incə bel , şirin sözlü uzun tel

Gözəllər maralıdır , bu ahu gözlü göyçək

Masum baxışlarınla , titrətdin qəlbimi sən

Doğum günün birtənəm , olsun sənə mübarək

Bucur gözəl bir gündə , təqdim edirəm sənə

Sevgi dolu hədiyə , birdəki qırmız çiçək

Şad günlərin çox olsun , dərdin qəmin yox olsun

Səni çox sevdiyimdən , tutdum bucur xoş dilək

Tək varlığımsan ey can , olum sənə mən qurban

Sənin xoşbəxt olmanı , istər bu aşıq ürək

Şair : Vəhid Şükürzadə

دوغوم گونون موبارک

ایللر اونجه بو گونده ، فیرلاندی چرخی فلک

گؤندردی تانری یئره ، بیر نازلی دوزلو ملک

گونش اوزلو اینجه بئل ، شیرین سؤزلو اوزون تئل

گؤزللر  مارالی دیر ، بو آهو گؤزلو گؤیچک

معصوم باخیشلارینلا ، تیترتدین قلبیمی سن

دوغوم گونون بیرتانم ، اولسون سنه موبارک

بوجور گؤزل بیر گونده ، تقدیم ائدیرم سنه

سئوگی دولو هدیه ، بیرده کی قیرمیز چیچک

شاد گونلرین چوخ اولسون ، دردین غمین یوخ اولسون

سنی چوخ سئودییمدن ، توتدوم بوجور خوش دیلک

تک وارلیغیمسان ای جان ، اولوم سنه من قوربان

سنین خوشبخت اولمانی ، ایستر بو عاشیق اورک

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

اورمو گؤلو

اورمو گؤلو نه لر گلیب باشینا ؟

قورودورلار نییه بو آز یاشینا ؟

قوربان اولوم او دوزلو گؤز یاشینا

نییه سنین گؤزون یاشین سیلن یوخ ؟

آخی ندن سنی درمان ائدن یوخ ؟

اورمو گؤلوم ندیر سنین گوناهین ؟

یوخدور سنین بیزدن سونرا پناهین

آلمامیسان هئچ بیر اینسانین آهین

سنین سودا کی بیر نفر اؤلن یوخ

آخی ندن سنی درمان ائدن یوخ ؟

بیر زامانلار چیمردیک قوجاغیندا

قویلاناردیق شفالی تورپاغیندا

سوسوز قالیب دیر دیلین ، دوداغیندا

نییه چایلار باغلانیب دیر گلن یوخ ؟

آخی ندن سنی درمان ائدن یوخ ؟

اورمو گؤلوم اولدون بیزه سن آنا

اینصاف دئیل قویاق اوره یین یانا

اولماز ائولاد کی اؤز آناسین دانا

دوزلو دنیز سندن کیمسه کوسن یوخ

آخی ندن سنی درمان ائدن یوخ ؟

آذربایجان قلبی سنده دؤیونور

سن اولماسان یوردوم اؤلو گؤرونور

میللت سنسیز باشقا یئره کؤچونور (کؤچونور=>کوچانده می شوند)

نییه سنین دردینی هئچ بیلن یوخ ؟

ندن آخی سنی درمان ائدن یوخ ؟

دوز یئتدی گون یاتدیم اورمو گؤلونده

آلدیم سندن " دوزلو اوغلان " سؤزونده

اوخویورام سنین آغلار گؤزونده

آذربایجان گلینینی سئون یوخ ؟

آخی ندن منی درمان ائدن یوخ ؟

شاعیر : وحید شکرزاده

Urmu Gölü

Urmu gölü nələr gəlib başına ?

Qurudurlar niyə bu az yaşına ?

Qurban olum o duzlu göz yaşına

Niyə sənin gözün yaşın silən yox ?

Axı nədən səni dərman edən yox ?

Urmu gölüm nədir sənin gunahın ?

Yoxdur sənin bizdən sonra pənahın

Almamısan heç bir ınsanın ahın

Sənin suda ki bir nəfər ölən yox

Axı nədən səni dərman edən yox ?

Bir zamanlar çimərdik qucağında

Quylanardıq şəfali torpağında

Susuz qalıbdır dilin dodağında

Niyə çaylar bağlanıbdır gələn yox ?

Axı nədən səni dərman edən yox ?

Urmu gölüm oldun bizə sən Ana

Insaf dəyil qoyaq ürəyin yana

Olmaz evlad ki öz Anasın dana

Duzlu dəniz səndən kimsə küsən yox

Axı nədən səni dərman edən yox ?

Azərbaycan qəlbi səndə döyünür

Sən olmasan yurdum ölü görünür

Millət sənsiz başqa yerə köçünür

Niyə sənin dərdini heç bilən yox ?

Axi nədən səni dərman edən yox ?

Düz yetdi gün yatdım urmu gölündə

Aldım səndən " Duzlu Oğlan " sözündə

Oxuyuram sənin ağlar gözündə

Azərbaycan gəlinini sevən yox ?!

Axı nədən məni dərman edən yox ?

Şair : Vəhid Şükürzadə

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

TÜRK QIZI

   BİR DƏNƏSƏN TÜRK QIZI SƏN MƏN SƏNƏ QURBAN OLARAM

CAN VERƏRƏM EŞQİVƏ MƏN İGİD BİR OĞLAN OLARAM 

SƏNİN KİMİ GÖZƏL QIZA  HƏR  NƏ DESƏM AZ DEMİŞƏM 

BİL Kİ FƏQƏT  GÜL  ÜZÜNƏ  BÜLBÜLE  XOŞXAN OLARAM 

SƏN NƏ DESƏN MƏN ELƏRƏM DUNYANI RIZVAN ELƏRƏM

QAN SALARAM CAN SATARAM DƏRDİNƏ DƏRMAN OLARAM 

GƏR SƏNƏ ÇOX AŞIQ OLUB  HAMMISINI QAÇILDARAM

 KÖNLÜMÜ  MƏN  YANDIRARAM  EŞQİNƏ SULTAN OLARAM  

DODAQLARIN  GÜL  KİMİDİ  GÖZƏLLİYİN  GÜN KİMİDİ  

EY QIZ SƏNİN GAŞ  GÖZÜNÜ GÖRƏNDƏ  HEYRAN OLARAM  

GƏR  MƏNƏ   LEYLA   OLASAN   AŞIQ O  ŞEYDA  OLASAN 

MƏNDƏ SƏNƏ SÖZ VERİRƏM  MƏCNÜNE DOVRAN OLARAM

VƏHİD ŞÜKÜRZADƏ

 تورک قیزی

بیر دنه سن تورک قیزی سن ، من سنه قوربان اولارام 

جـــان وئره رم عشقینه من ، ایگید بیر اوغلان اولارام 

سنین کیمی گوزل قیزا هر نه دئسم آذ دئمیشم          

        بیل کی فقط گول اوزونه بولبول خوشخوان اولارام 

سن نه دئسن من ائله رم دونیانی ریضوان ائله رم 

 قان سالارام جان ساتارام دردینه درمان اولارام 

گر سنه چوخ آشیق اولوب هامّیسینی قاچیلدارام     

کونلومی من یاندیرارام عشقینه سولطان اولارام 

دوداقلارین گول کیمیدی گوزلّیغین گون کیمیدی       

ای قیز سنین قاش گوزونو گورنده حیران اولارام 

گر منه لیلا اولاسان عاشیق و شیدا اولاسان    

من ده سنه سوز وئریرم مجنون دوران اولارام 

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

QAN OLDU GƏL

EY GÖZƏL QIZ HİCRİNDƏ AXƏR BU KÖNÜL QAN OLDU GƏL

XATİRİM   BU   AYRILIQDAN   ZARO  PƏRİŞAN   OLDU  GƏL

SƏN DEDİN PƏRVANƏ OL  ŞƏMIMDƏ OT TUT YAN BU GÜN 

BU  ÜRƏK   DƏ EŞQ  OTUNDA   YANDI  VIRAN  OLDU  GƏL

BAX BU GÜN  DUNYA GULUSTANI  MƏNƏ HƏMÇÜN NƏSİMİ 

SƏNSİZ  EY  SULTANE  XUBAN BƏNDO  ZINDAN OLDU GƏL

BU GÖZLƏRİ  Kİ KİMSƏ QƏMGİN  GÖRMƏMİŞDİ İNDİ  BAX 

SƏNİN  EŞQİNDƏ  YAĞDI  GÖZLƏRİM  GIRYAN  OLDU GƏL

BU ÜRƏK Kİ DAŞ KİMİ  MEHRO MÜHƏBBƏTDƏN  ÇƏKİLDİ 

AXƏR SƏNİN CADU GÖZÜNDƏN BÖYLƏ HEYRAN OLDU GƏL

SƏN Ö GÜNDƏN  Kİ MƏNİM LEYLAYIM  OLDUN EY GÖZƏL 

BU KÖNÜL DİVANƏLƏR  TƏK MƏCNÜNE DOVRAN OLDU GƏL

şair : Vəhid Şükürzadə

قان اولدو گل

ای گوزل قیز هیجرینده آخر بو کونول قان اولدو گل  

 خاطیریم بو آیریلیق دان زار و پریشان اولدو گل 

 سن دئدین پروانه اول شمعیمده اوت توت یان بوگون

بو ئورکده عشق اوتوندا یاندی ویران اولدو گل 

باخ بوگون دونیا گولوستانی منه همچون نسیمی

سنسیز ای سولطان خوبان بند و زیندان اولدو گل 

بو گوزلری کی کیمسه غمگین گورمه میشدی ایندی باخ

سنین عشقینده یاغدی گؤزلریم گیریان اولدو گل 

بو ئورک کی داش کیمی مهر و محبتدن چکیلدی

آخر سنین جادو گؤزوندن بویله حیران اولدو گل 

سن او گوندن کی منیم لیلاییم اولدون ای گوزل

بو کونول دیوانه لر تک مجنون دوران اولدو گل

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Ey qız de sən haralısan

məndən niyə aralısan

gözəllərin gözəlisən

Azərbaycan maralısan

ای قیز ده سن هارالی سان ؟  

من دن نیه آرالی سان ؟ 

گوزللرین گوزلی سن  

آذربایجان مارالی سان

***

olsun sənə can qurban 

ey gözəl Azərbaycan

sən sən mənim dilbərim 

olmaz sənə tay canan

اُولسون سنه جان قوربان

ای گوزل آذربایجان

اُولماز سنه تای جانان

 ***

Azərbaycanım 

sən sən cananım

olsun tək sənə

qurban bu canım

سن سن جانانیم

اُلسون تک سنه

قوربان بو جانیم

***

Ey qızlar yatmayın

öz dilizi satmayın 

gözəl şirin dilizə

özgə dilin qatmayın

ای قیزلار یاتمیین

اُوز دیلیزی ساتمیین

گوزل شیرین دیلیزه

ئوزگه دیلین قاتمیین

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Sən məni məcbür eləmə 

Sən məni məcbür eləmə ta ki təmənnayə gəlim

Məcnüna tay mən sürünüb xidməte leylayə gəlim

Düzdi ki sən çox məni incidmisən amma bunu bül

Mən ki qəbul eyləmərəm eşqidə dəvayə gəlim

Mən yanıram ayrılıqın olduğu düzəx oduna

Bir nə olar sən qoyasan cənnəte əlayə gəlim

Allahı şahıd tuturam mən səni çox istəmişəm

Qoy ki gözəl gül üzüvi bir də təmaşayə gəlim

Gözlərivə dərya dedim ta ki mücəvviz verəsən

Mahıya tay məndə üzüm birdə o dəryayə gəlim

Allaha xatır məni öz vəslivə çatdır gözəlim

Ta təzədən mən doğulub bir də bu dunyayə gəlim

Şair : Vəhid Şükürzadə

سن منی مجبور ائلمه

سن منی مجبور ائلمه تا کی تمنایه گلیم    

مجنونا تای من سورونوب خدمت لیلایه گلیم 

دوزدو کی سن چوخ منی اینجیتمیسن اما بونو بول

من یانیرام آیریلیقین اولدوغی دوزخ اودونا  

بیر نه اولار سن قویاسان جنت اعلایه گلیم 

آللاهی شاهید توتورام من سنی چوخ ایستمیشم  

 قوی کی گوزل گول اوزووی بیرده تماشایه گلیم 

گوزلریوه دریا ددیم تا کی مجوّیز وئرسن  

 ماهییا تای من ده اوزوم بیرده او دریایه گلیم 

آللاها خاطیر منی اوز وصلیوه چاتدیر گوزلیم  

 تا تزه دن من دوغولوب بیرده بو دونیایه گلیم

شاعیر: وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

چال تیراختوروم چال باشلارینا یئری وار

یاشا تیراختور

قارتال تیراختور ، بیزلره جان سان

وور گل لاری وور ، سن گل ووران سان

قوردلار دره سی ، یاشاسین سسی

سن قودرتینی ، بیزدن آلان سان

یوز مین طرفدار ، سسلر اوجالار

یاشا تراختور ، سن قهرمان سان

هر تیم کی اولسا ، دیفایا دولسا

جیریخ یئرینی ، تئز تئز تاپان سان

دالیندا میللت ، ائیله سن هیممت

تیم لر ایچینه ، قورخو سالان سان

هر گون اودورسان ، بیزه غرورسان

آذربایجانا ، قیزیل نیشان سان

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Gedirsən get

Gedirsən get dəli könlüm səni istər olunca yar

Gecə gündüz buludlar tək yağar gözlər dalınca yar

Səninlə mən bərabər olmadım heç vaxt həqiqətdə

Xəyalimda vəli hər an mənimləsən doyunca yar 

Elə sevdim səni cana ki aləm heyrətə gəldi

Nədən küsdün çıxıb getdin məni dərdə salınca yar 

Sənə nisbət belə şiddətli bir sevdamı bilmirdim

Düşündüm mən bu ehsası biraz sənsiz qalınca yar

Mənim qəlbim gülə taydı sənin eşqin ona candı

Yaşayış illətim sənsən mənim ömrüm solunca yar

Son arzumdur mənə qaytarma bu divanə qəlbimi

Gedirsən sən barı qalsın mənim qəlbim yanınca yar

Şair : Vəhid Şükürzadə

گئدیرسن گئت

گئدیرسن گئت دلی کونلوم سنی ایستر اولونجا یار

گئجه گوندوز بولودلار تک یاغار گؤزلر دالینجا یار

سنینله من برابر اولمادیم هئچ واخت حقیقت ده

خیالیم دا ولی هر آن منیمله سن دویونجا یار

ائله سئودیم سنی جانا کی عالم حیرته گلدی

نه دن کوسدون چیخیب گئتدین منی درده سالینجا یار

سنه نیسبت بئله شیددتلی بیر سئودامی بیلمیردیم

دوشوندوم من بو احساسی بیرآز سنسیز قالینجا یار 

منیم قلبیم گوله تایدی سنین عشقین اونا جاندی

یاشاییش عیللتیم سنسن منیم عومروم سولونجا یار

سون آرزوم دور منه قایتارما بو دیوانه قلبیمی  

گئدیرسن سن باری قالسین منیم قلبیم یانینجا یار

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Oxu bu şeiri

Bilmək istiyirsən niyə daha gəlmirəm dalınca 

Onda sən oxu bu şeiri kəlmə kəlmə qurtarınca 

Çoxu bu ki mən dəyildim sənə layıq ey gözəl yar 

Gedirəm olam layıqın sonra mən gələm yanınca 

Birdə ki dedim bəlkə sən məni sevmiyirsən gülüm 

Yoxca gər biləm sevirsən gələrəm üçü sayınca 

Belə bilmə ki səni mən unudub daha sevmirəm 

Hər zaman ürək qan olur səni mən yada salınca 

Onda ki sevirdin məni bilmədim sənin qədrivi

Indi gəl könül patlayır neçə gün sənsiz qalınca 

Daha yar gücüm çatmırı ki yazam qalan sözləri 

Axı göz yaşım sel oldu bu şeiri mən yazınca

Şair : Vəhid Şükürzadə

اوخو بو شعری

بیلمک ایستییرسن نییه ، گلمیرم داحا دالینجا 

اوندا سن اوخو بو شعری کلمه کلمه قورتارینجا 

چوخو بو کی من دئییلدیم سنه لاییق ای گوزل یار 

گئدیرم اولام لاییقین سونرا من گلم یانینجا 

بیرده کی دئدیم بلکه سن ، منی سئومییرسن گولوم

یوخجا گر بیلم سئویرسن گلرم اوچو سایینجا 

بئله بیلمه کی سنی من ، اونودوب داحا سئومیرم

هر زامان اورک قان اولور ، سنی من یادا سالینجا

اوندا کی سئویردین منی ، بیلمه دیم سنین قدرینی

ایندی گل کونول پاتلاییر نئچه گون سنسیز قالینجا

داحا یار گوجوم چاتمیری کی یازام قالان سؤزلری 

آخی گؤز یاشیم سئل اولدو بو شعری من یازینجا

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید

Gizli yaşaram

Eşq odunda külə dönsəm mənə xoşdur yanaram mən

Gözləməkdən korda olsam yollara yar baxaram mən

Ayrılıqdan selə dönsə gözlərimdən tökülən yaş

Mənə rəhm eyləməyinca gecə gündüz yağaram mən

Yaradan böylə yaradmış öldü var döndü yoxumdur

Inan ey can ya ölüb ya istəyimə çataram mən

Ölüm halda desə Allah istə axır istəyini

Qələm allam qanımıyla sənin ismin yazaram mən

Gər biləm ki aşiqimsən səni görmək həvəsiylə

Duman üzlü savalan tək uca dağdan aşaram mən

Yox əgər ki sevməyirsən mənə tay bir dəli aşiq

Onda yalnız ürəyində gizli gizli yaşaram mən

Şair : Vəhid Şükürzadə

گیزلی یاشارام

عشق اودوندا کوله دؤنسم منه خوشدور یانارام من

گؤزله مکدن کوردا اولسام یوللارارا یار باخارام من

آیریلیق دان سئله دؤنسه گؤزلریمدن توکولن یاش

منه رحم ائیله مه یینجا گئجه گوندوز یاغارام من

یارادان بؤیله یارادمیش اؤلدو وار دؤندو یوخومدور

اینان ای جان یا اولوب یا ایسته ییمه چاتارام من

اولوم حالدا دئسه آللاه ایسته آخیر ایسته یینی

قلم آللام قانیمیلا سنین ایسمین یازارام من

گر بیلم کی عاشیقیم سن ، سنی گؤرمک هوسیله

دومان اوزلو ساوالان تک اوجا داغدان آشارام من

یوخ اگر کی سئومه ییرسن منه تای بیر دلی عاشیق

اوندا یالنیز اوریینده گیزلی گیزلی یاشارام من

شاعیر : وحید شکرزاده

عضو وبلاگ دوزلو اوغلان شوید و شما هم مطالبتان را منتشر کنید

با عضویت در وبلاگ دوزلو اوغلان شما نیز مطالب و اخبار مربوط به آذربایجان را در این وبلاگ منتشر کنید مطالبی همچون شعرهای ترکی ، مقالات ترکی مربوط به تاریخ و فرهنگ آذربایجان ، اخبار مربوط به ورزش آذربایجان ، اس ام اس و مطالب جالب ترکی و ... را می توانید در وبلاگ دوزلو اوغلان منتشر کنید .

برای عضویت در وبلاگ دوزلو اوغلان کلیک کنید